კანონი იარაღის შეძენის, ფლობისა და ტარების შესახებ კანონი

[Seelien]

იარაღის შეძენის, ფლობისა და ტარების შესახებ კანონი



თავი I. საწყისი დებულებები​

San Andreas კონსტიტუციის მეორე შესწორების პირველი მუხლი მოქალაქეებს ანიჭებს იარაღის ფლობისა და ტარების უფლებას. ვინაიდან ეს უფლება კონსტიტუციითაა გარანტირებული და ვერ ირღვევა, სან ანდრეასის შტატში მიღებულია კანონი, რომელიც აწესრიგებს იარაღის კანონიერ შენახვას, ტარებასა და გამოყენებას.

შენიშვნა: უკანონოდ მიიჩნევა იარაღი, რომელსაც დაზიანებული ან შეცვლილი სერიული ნომერი აქვს, ასევე – იარაღი, რომელიც ეკუთვნის სახელმწიფო უწყებას და არა კერძო მოქალაქეს.

მუხლი 1. იარაღისა და საბრძოლო მასალის შეძენა/გაყიდვა დასაშვებია მხოლოდ ლიცენზირებულ მაღაზიებში.

მუხლი 2. სან ანდრეასის მოქალაქეებს შეუძლიათ ღიად ატარონ მხოლოდ მცირე კალიბრის იარაღი.

მუხლი 2.1. იარაღის ტარება ნებადართულია მხოლოდ განმუხტულ მდგომარეობაში, შესაბამის კაბურაში.

მუხლი 2.2. სანადირო თოფის გამოყენება დასაშვებია ნადირობისთვის განკუთვნილ ტერიტორიებზე.

მუხლი 2.3. სახელმწიფო მოხელეებმა, რომლებიც ამჟამად არ ასრულებენ სამსახურებრივ მოვალეობებს, ვერ ატარებენ ღიად არც მაღალი კალიბრის იარაღს და არც სახელმწიფო სერიული ნომრიანი იარაღს.

მუხლი 3. იარაღის ფლობისა და ტარების უფლება ენიჭებათ მხოლოდ იმ პირებს, რომლებმაც წარმატებით ჩააბარეს გამოცდა და ლიცენზია მიიღეს შტატის მთავრობისგან.
ლიცენზიის გაუქმება ან ჩამორთმევა სამართალდამცავებს შეუძლიათ მხოლოდ ამ კანონის დარღვევის შემთხვევაში.
შენიშვნა: სამედიცინო ბარათის ვადის გასვლისას ლიცენზია შეჩერებულია მისი განახლების მომენტამდე.
შენიშვნა: უკანონო ტარების შემთხვევაში ლიცენზია უქმდება.

მუხლი 3.1. ლიცენზიის გაუქმებისას სამართალდამცავი ვალდებულია ამოიღოს დამნაშავის პირად ნივთებსა და ტრანსპორტში ნაპოვნი იარაღი და ვაზნები.

მუხლი 3.2. იარაღის ლიცენზია გაიცემა 1 თვის ვადით.

მუხლი 4. მშვიდობიან მოქალაქეს შეუძლია გამოიყენოს იარაღი მხოლოდ თავდაცვისთვის. თავდაცვის შემთხვევაში მოქალაქე ვალდებულია დაუყოვნებლივ გამოიძახოს სამართალდამცავები და საჭიროების შემთხვევაში სასწრაფო დახმარება.

მუხლი 5. ელექტროშოკური იარაღი ან სპეციალური აღჭურვილობა მხოლოდ სახელმწიფო სტრუქტურების მომზადებულ თანამშრომლებს შეუძლიათ გამოიყენონ. ჩვეულებრივ მოქალაქეებს – არა.

თავი II. თავდაცვის ნორმები​

მუხლი 6. მოქალაქეებს ეკრძალებათ მაღალ კალიბრიანი იარაღის ან მისი კალიბრის ტყვიების ფლობა და ტარება.

მუხლი 7. აშშ-ის დამოუკიდებლობის დეკლარაციის მიხედვით, სიცოცხლე ადამიანის უმთავრესი უფლებაა. პირი, რომელიც ცდილობს სხვისი სიცოცხლის ხელყოფას, კრიმინალად მიიჩნევა. მოქალაქეს აქვს უფლება დაიცვას თავი იარაღით და გაანეიტრალოს დამნაშავე, პასუხისმგებლობის გარეშე.
თუმცა, სამართალდამცავი ორგანო ვალდებულია ჩაატაროს გამოძიება, ექსპერტიზა და დაკითხვა ფაქტთან დაკავშირებით.

მუხლი 8. მოქალაქეს უფლება აქვს დაიცვას თავისი საცხოვრებელი ადგილი უკანონო შეჭრისგან და ამისთვის გამოიყენოს იარაღი. იმ შემთხვევაში, თუ თავდამსხმელი მოკვდა ან სიცოცხლეს ემუქრებოდა სახლში შეჭრისას, მოქალაქეს სისხლის სამართლის პასუხისმგებლობა არ ეკისრება.

მუხლი 9. იარაღის საჯაროდ დემონსტრაცია და გამოყენება საზოგადოებრივ სივრცეში აკრძალულია, გარდა ორი შემთხვევისა:

• თავდაცვის აუცილებლობა;
• სიცოცხლის მოსპობის პირდაპირი საფრთხე ჯგუფური თავდასხმის შედეგად.

თავი III. იარაღის შენახვის წესები​

მუხლი 10. ტარებისას იარაღი უნდა იყოს განმუხტული და მოთავსებული კაბურაში.

მუხლი 11. იარაღი სახლში უნდა ინახებოდეს სეიფში, დაშლილ და განმუხტულ მდგომარეობაში.

მუხლი 12. სამართალდამცავებს უფლება აქვთ სამსახურის შესრულებისას ატარონ იარაღი განუხტავად, კაბურაში.

თავი IV. სამართალდამცავი ორგანოებისთვის​

მუხლი 13. ძალოვანი სტრუქტურების წევრებსა და ეროვნული გვარდიის სამხედრო მოსამსახურეებს სავალდებულოდ უნდა ჰქონდეთ მოქმედი სამედიცინო ბარათი და პერიოდულად გაიარონ ფსიქოლოგიური ტესტირება.

მუხლი 14. სამართალდამცავებისა და ეროვნული გვარდიის წარმომადგენლების მიერ იარაღის გაყიდვა, შეძენა ან გადაცემა აკრძალულია და სისხლის სამართლის პასუხისმგებლობას იწვევს. დანაშაულის აღმოჩენის შემთხვევაში ქვედანაყოფის მეთაურმა დაუყოვნებლივ უნდა გაათავისუფლოს დამნაშავე თანამდებობიდან და აცნობოს პროკურატურას.

თავი V. გამოცდის პროცედურა​

მუხლი 15. იარაღის ლიცენზია გაიცემა LSPD-ში ან LSSD-ში.

მუხლი 16. გამოცდის პროცესს შეიძლება ახლდეს აუდიო ან ვიდეოჩანაწერი.

მუხლი 17. გამოცდა შედგება კითხვებისგან, რომლებიც იარაღის კანონმდებლობას ეხება.

მუხლი 18. გამოცდის დაწყებამდე გამომცდელმა უნდა გადაამოწმოს, აქვს თუ არა კანდიდატს მოქმედი სამედიცინო ბარათი.

მუხლი 19. ლიცენზიის გაუქმების საფუძველი ხდება იარაღთან ან ძალადობრივ ქმედებებთან დაკავშირებული სისხლის სამართლის ნორმების დარღვევა.

გუბერნატორის ხელმოწერა:

S.Crossford​