კანონი სან ანდრეასის შტატის შრომის კოდექსი

[Seelien]

სან ანდრეასის შტატის შრომის კოდექსი

თავი I. შრომის კანონმდებლობის ზოგადი პრინციპები​

სან ანდრეასის შტატის შრომის კოდექსი წარმოადგენს სამართლებრივი ნორმების ერთობლიობას, რომელიც არეგულირებს შრომით ურთიერთობებს დასაქმებულსა და დამსაქმებელს შორის.
შრომითი ურთიერთობების კონტროლსა და ზედამხედველობას ახორციელებს სან ანდრეასის სახელმწიფო პროკურატურა.

მუხლი 1.1 ― მიზნები და ამოცანები

მიზნები:

1. მოქალაქეთა შრომითი უფლებებისა და თავისუფლებების სახელმწიფო გარანტიების უზრუნველყოფა;
2. უსაფრთხო და ხელსაყრელი სამუშაო პირობების შექმნა;
3. დასაქმებულისა და დამსაქმებლის ინტერესთა თანაბარი დაცვა.

ამოცანები:

1. შრომის ორგანიზება და მენეჯმენტი;
2. შრომითი დავების სამართლიანი მოგვარება.

მუხლი 1.2 ― ძირითადი პრინციპები

1. შრომის თავისუფლება;
2. იძულებითი შრომისა და დისკრიმინაციის აკრძალვა;
3. სამართლიანი და ღირსეული სამუშაო პირობები;
4. დასაქმებულთა თანასწორობა და შესაძლებლობათა გათანაბრება.

მუხლი 1.3 ― მოქმედების სფერო

შრომის კოდექსი ძალაშია სან ანდრეასის შტატის ტერიტორიაზე და ვრცელდება სახელმწიფო უწყებებზე.
კერძო კომერციულ ორგანიზაციებში შრომითი ურთიერთობა რეგულირდება ინდივიდუალური ხელშეკრულებებით.

თავი II. შრომითი ურთიერთობები​

მუხლი 2.1 ― შრომითი ურთიერთობის მხარეები

დასაქმებული ― ფიზიკური პირი, რომელიც ასრულებს სამუშაოს ხელშეკრულების საფუძველზე.
დამსაქმებელი ― ფიზიკური ან იურიდიული პირი, რომელიც უზრუნველყოფს სამუშაოს შესრულების პირობებს.
მუხლი 2.2 ― შრომითი ურთიერთობის წარმოშობის საფუძვლები

1. არჩევა თანამდებობაზე;
2. დანიშვნა ან დამტკიცება;
3. სამხედრო სამსახურზე ხელშეკრულების გაფორმება (ეროვნული გვარდია);
4. შრომითი ხელშეკრულების დადება და ხელმოწერა.

მუხლი 2.3 ― დასაქმებულის უფლებები და მოვალეობები

უფლებები:

ღირსეული სამუშაო ადგილი და პირობები;
ანაზღაურება და პრემია;
სრული და სანდო ინფორმაცია სამუშაოს შესახებ;
დასვენება და შვებულება.

მოვალეობები:

კეთილსინდისიერად შეასრულოს სამსახურებრივი ვალდებულებები;
დაიცვას შრომის შინაგანაწესი და კანონი;
დაიცვას დადგენილი სტანდარტები;
მონაწილეობა მიიღოს ორგანიზაციის განვითარებაში.

მუხლი 2.4 ― დამსაქმებლის უფლებები და მოვალეობები

უფლებები:

წაახალისოს კეთილსინდისიერი თანამშრომლები;
მოსთხოვოს თანამშრომლებს სამსახურებრივი მოვალეობების სათანადო შესრულება.

მოვალეობები:

დაიცვას სახელმწიფო კანონები;
უზრუნველყოს თანამშრომლების შრომითი პირობები და ანაზღაურება;
უზრუნველყოს უფასო ტრენინგი და სერტიფიცირება;
გააუმჯობესოს ორგანიზაციის მუშაობა;
შიდა დოკუმენტაცია წარადგინოს პროკურატურისთვის დამტკიცების მიზნით.

თავი III. სამუშაო დრო​

მუხლი 3.1 ― სამუშაო დრო

დასაქმებული ვალდებულია იმყოფებოდეს სამუშაო ადგილზე შრომის შინაგანაწესის შესაბამისად.

მუხლი 3.2 ― დასვენების დრო

დასვენების დრო ითვალისწინებს:

ლანჩის შესვენებას (არანაკლებ 30 წთ და არაუმეტეს 2 სთ;
დასვენების დღეებს;
შვებულებას, მათ შორის განსაკუთრებული დამსახურებისთვის (არაუმეტეს 7 დღე).

თავი IV. ანაზღაურება​

მუხლი 4.1 ― ანაზღაურების ფორმა

ანაზღაურება მოიცავს:

საათობრივ გადახდას;
პრემიებს.

მუხლი 4.2 ― ბონუსები

1. პრემიის მოცულობა დამოკიდებულია თანამდებობაზე და სტაჟზე.
2. პრემია გაიცემა დამსაქმებლის გადაწყვეტილებით სამუშაო კვირის ბოლოს.
3. პრემიის გაცემა ხდება მხოლოდ სან ანდრეასის ვალუტაში.

თავი V. შრომითი დისციპლინა​

მუხლი 5.1 ― შრომის დისციპლინა

ყველა დასაქმებული ვალდებულია დაემორჩილოს შრომის შინაგანაწესს და კანონს.

მუხლი 5.2 ― შინაგანაწესის დამტკიცება

შინაგანაწესი ამტკიცებს დამსაქმებელი, თუმცა ძალაში შედის მხოლოდ პროკურატურის დამტკიცების შემდეგ.

მუხლი 5.3 ― დისციპლინური სახდელები

დისციპლინური დარღვევისთვის დასაქმებულს შეიძლება დაეკისროს:

გაფრთხილება;
საყვედური (სიტყვიერი/მკაცრი);
პრემიის ჩამორთმევა;
თანამდებობრივი დაქვეითება;
ხელახალი სერტიფიცირება;
სამსახურიდან გათავისუფლება.

თავი VI. სამსახურიდან გათავისუფლება​

მუხლი 6.1 ― უფლებამოსილი პირები

თანამშრომლის დათხოვნა შეუძლია:

დამსაქმებელს ან მის უფლებამოსილ პირს;
პროკურორს, გენერალურ პროკურორს ან სასამართლოს.

მუხლი 6.2 ― გათავისუფლების საფუძვლები

სისხლის სამართლის საქმე;
სამედიცინო შეუთავსებლობა ან ვადაგასული სერტიფიკატი;
პროფესიული უვარგისობა;
კანონით გათვალისწინებული ლიცენზიების არქონა;
გარეგნული შეუსაბამობა (მაგ. სახის ტატუ, მაკიაჟი);
კანონის დარღვევა.

თავი VII. შრომითი ურთიერთობის შეწყვეტა​

მუხლი 7.1 ― დასაქმებულის ინიციატივით

დასაქმებულს შეუძლია საკუთარი ნებით დაწეროს განცხადება გათავისუფლების შესახებ.
თუ თანამშრომელი არ იმუშავებს:

3 დღეზე ნაკლებს (საერთო თანამშრომელი) ― ვალდებულია გადაიხადოს 10,000\$;
7 დღეზე ნაკლებს (ხელმძღვანელი ან მოადგილე) ― ვალდებულია გადაიხადოს 25,000\$.

მუხლი 7.2 ― დამსაქმებლის ინიციატივით

გათავისუფლების საფუძველია:

შრომის შინაგანაწესის განმეორებითი დარღვევა;
სისხლის სამართლის დანაშაული;
სამუშაოს იგნორირება;
სამსახურში ნარკო/ალკო ინტოქსიკაციაში ყოფნა;
პროფესიული უვარგისობა;
კონფლიქტების გაღვივება;
ნდობის დაკარგვა.

თავი VIII. შრომითი უფლებების დაცვა​

მუხლი 8.1 ― დაცვის გზები

დასაქმებულს უფლება აქვს დაიცვას თავისი უფლებები:

თვითდაცვით, მშვიდობიანი წესით;
პროკურატურაში მიმართვით;
სასამართლოს გზით.

მუხლი 8.2 ― ზედამხედველობა

შრომის კანონმდებლობის დაცვაზე ზედამხედველობას ახორციელებს **სან ანდრეასის სახელმწიფო პროკურატურა**, რომელიც უფლებამოსილია:

ინიციროს სისხლისსამართლებრივი და ადმინისტრაციული საქმეები;
განახორციელოს გეგმური და არაგეგმიური ინსპექტირება;
განიხილოს მოქალაქეთა საჩივრები;
გასცეს იურიდიული კონსულტაციები.

მუხლი 8.3 ― პასუხისმგებლობა

შრომის კანონმდებლობის დარღვევა იწვევს ადმინისტრაციულ ან სისხლისსამართლებრივ პასუხისმგებლობას.

გუბერნატორის ხელმოწერა:

S.Crossford​